ڕۆژا ئێـکشــەمبی ڕێـککــەفتی (٢٠٢٥/٢/٢٣) ب ئامادەبوونا ڕێزدار (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و لگەلدا بەرێز (پ.د. ستار جبار حاجی) ڕاگرێ کۆلیژا پەروەردە، یاریا دوماهیێ ژ قاڕەمانیا ڤۆلیبۆلێ یا قوتابیێن زانکۆیا زاخۆ هاتە ئەنجامدان.
هەژیە بێژین؛ ئەڤ قارەمانیە ژلایێ ڕێڤەبەریا چاڵاکیێن وەرزشی ل کۆلیژا پەروەردە - زانکۆیا زاخۆ، ب مەرەما گرنگیپێدان و پشتەڤانی ل چاڵاکیێن وەرزشی و لێکنێزیکرنا قوتابیان و ئاڤاکرنا گیانێ وەرزشی دناڤبەرا واندا، بۆ قوتابیێن هەمی کۆلیژێن سەر ب زانکۆیێ ڤە هاتبوو بەرهەڤکرن، پشتی چەندین یاری هاتینە ئەنجامدان، قوتابیێن قوناغێن (دو، چار) یێن پشکا پەروەردا جەستەیی و زانستێن وەرزشی گەهشنە یاریا دوماهیێ و قوناغا (دویێ) شیان ب ئەنجامێ (دو گێم) بەرامبەر (گێمەک) سەرکەفتنێ ل سەر قوناغا (چارێ) بینن و بوونە سەرکەفتییێن ئێکێ یێن ئەڤێ قارەمانیێ.